Oriel Tapestri

Yr Oriel

Comisiynwyd Tapestri Glaniad y Ffrancod fel gwaddol parhaol o ddathliadau Daucanmlwyddiant y Glaniad ym 1997. Mae’n adrodd stori unigryw a diddorol am yr ymosodiad olaf ar dir mawr Prydain, a chymerodd bron i 78 o bobl leol bedair blynedd i’w gwblhau.

Mae’n debyg o ran ffurf a siâp i dapestri Bayeux ond yn llai na hanner ei hyd – 100 troedfedd (30.5 metr) o hyd. Wedi’i leoli mewn Oriel bwrpasol yn Llyfrgell Abergwaun, mae arddangosfa Tapestri Glaniad y Ffrancod hefyd yn cynnwys arteffactau a ffilmiau, lle gallwch ddarganfod mwy am ddigwyddiadau’r daucanmlwyddiant, yr ymosodiad a chreu y Tapestri.

Er mai’r tapestri yw seren y sioe, mae llawer mwy i’w weld yn yr Oriel a’r ystafell Glyweledol gyfagos. Mae sawl cas arddangos, gyda llawer o arteffactau gwahanol, rhai yn dyddio’n ôl i’r 18fed ganrif pan ddigwyddodd yr ymosodiad.

Yr Ystafell Glyweledol

Mae ystafell glyweledol ar waelod oriel y tapestri sy’n cynnwys sawl llun diddorol a map o’r goresgyniad. Mae yna hefyd fideo o wneud y tapestri. Gellir defnyddio’r ystafell glyweledol hefyd fel ystafell ddarlith neu ystafell ddosbarth, mae lle i hyd at 32 o bobl. Mae gan yr ystafell fwrdd gwyn rhyngweithiol, wifi, fideo a theledu.

Mae Llyfrgell Abergwaun yn cymryd archebion ar gyfer yr Ystafell Glyweledol. Ffoniwch nhw ar 01437 776638